انمي تون AniMe TOoN

الي زمان ما ختمت
صراحة جتني فترة فكرت فيها انسحب من الرتبة
ما عاد صار في متعة، احس ادخل عشان انزل الارشيف واكرم وامشي

ما شاءلله عليكي
-
منجد ضحكتيني الي زمان ما ضحكت بمحادثة هيك

ايه هيك تقريبا
بس انا مجبورة عشان في ناس لسا بتنزل قصص
و انا مو فاضية اكتب ردود و بحس زعلانة عليهم عشان الشغف
لاني بخاف يوقفوا و همه عندهم قدرات حلوة زي ساي بروايتها الحلوة
بحسها اجوائك .. دراما غموض و هيك مصاصين دماء و ذئاب و حركات
بس مش متئكرة اذا كانت مصنفيتها عاطفة

حسي فيني لما كنت ادور ع كل القصص اقرأ واكتب ردود

دوم الضحكة يا رب
عاد انا فاقدة حسي الكوميدي هالفترة عنجد .. عم بحاول احشي يا الله شي كوميديا بس يا الله شو بحسها فارطة

مو كوميدي بل بالتعليقات الساخرة

والله انك شو قوية يا سلوى انا ما بوصل لهون
المشكلة انه عنجد في ناس بيستحقوا الدعم بس هالقسم مظلوم
حاولت نشطه بملهم بس كلنا سحبنا عليه

اوه التعليقات الساخرة الجزء الحئيئي من مكنوني ..

اشتقت للقسم، جد شغلة التقسيم خربتنا

اي شغلة تقسيم ؟

اقصد تقسيم كبار المراقبين وتوزيعهم كل شهرين ع اقسام مختلفة

اه فهمت , مع اني مش فاهمة الفكرة ككل بس عنجد لو كل واحد يضله ماسك الشي اللي بيهتم فيه احسن
في مراقبين ما بيعطوا الأقسام حقها .. هو التون هالفترة نايم أصلا .. كل مشغول بحاله و حياته

الله يعين، كل البلدان العربية صارت فيها قصص شاغلة ناسها، صعب تلاقي حدا قادر يتفاعل زي اول

ايه عنجد الله يهدي البال و الله كل شوي بيطلع خبر بيقطع القلب اكثر من قبل

بس مش عارفة كيف اتفاعل عالأحداث بسوريا لأني مش فاهمة اشي
هل المعارضة معكم انتو كشعب ولا لا .. عنجد مش عارفة اعطي ردة فعل بالمرة

تصدقي.. ولا انا قادرة اعطي ردة فعل
المعارضة ما بتئذي الشعب إلا النوع اللي متورط بفساد النظام
يعني اشاعات انهم يدخلوا ويقتلوا الناس بهمجية مافي هيك شي
اخذوا محافظة حلب دون ما يطلقوا رصاصة وحدة، اخذوها بغمضة عين، لان الجنود انسحبوا « هي اثار التجنيد الاجباري
نحنا منزعل ع ولادنا وشبابنا واخواتنا اللي عم يروحوا غصب بظروف الحرب، وبينقتلوا ع يد الطرف الثاني او بيهربوا وبينقتلوا ع يد الطرف الاول
فـ نحنا اللي مخوفنا بس.. اننا نوصل لنفس وضع السودان او اسوأ

اوه هسا فهمت .. لأنه بشوف ناس مبسوطة , و في ناس بتنبح للنظام
و انا على خبري النظام ما بيسوا كندرة .. بس في ناس مجبورة تدخل الجيش و تسلك ..
الله يكون بعون الناس يا رب .. بحس دايما هيك المناطق اللي جهة الجنوب دايما بيكون فيها اشياء قاسية
بتذكر ايام ما كنا بنسمع القصف اللي بسوريا من اربد .. كان اشي بيقطع القلب

الله يكون معكم و يحميكم يا رب و يبعد عنكم الاذى و يفرج عن كل هالأوضاع اللي صايرة

اييه الله لا يذوق هديك الايام لحدا
احترنا ع مين بدنا نزعل ولا ع مين
احس خلاص الدنيا خربت والقيامة قربت
وصل فيه الواحد مو عارف لوين بدو يهرب
اذا فلان وفلان بدو يهرب، لوين؟
اذا كل اللي حوليه عم يهربوا من وضعهم

امين على الجميع يارب